រៀនគណិតមិនចេះមែនទេ? ហើយធ្លាប់ឆ្ងល់ទេថា យើងរៀនរូបវិទ្យាយកទៅធ្វើអី?  

 

មនុស្សគ្រប់រូបកើតមកដើម្បីរៀន ហើយ Tesdopi ជឿជាក់ថា យើងទាំងអស់គ្នាអាចរៀនអ្វីក៏បាន ប្រសិនបើយើងមានពេលវេលានិងធនធានគាំទ្រគ្រប់គ្រាន់។ ហេតុនេះហើយ ទើបយើងបានបង្កើត Tesdopi ឡើង។ Tesdopi ជាថ្នាលសិក្សាបែបឌីជីថលដែលប្រើប្រាស់គរុកោសល្យបែបថ្មីចេញពីការស្រាវជ្រាវដើម្បីជួយសិស្សឱ្យរៀនកាន់តែប្រសើរ។

 

រៀនជាមួយ Tesdopi សិស្សអាចរៀនតាមល្បឿននិងពេលវេលាផ្ទាល់ខ្លួនឯងបាន។ សិស្សអាចពង្រីកចំនេះដឹងរបស់ពួកគេលើសពីទ្រឹស្តីអរូបី និងលើសពីការទន្ទេញអោយតែចាំមាត់។ គ្រូបង្រៀនរបស់យើងខ្ញុំគឺជាអ្នកជំនាញក្នុងវិស័យវិទ្យាសាស្ត្រ វិទ្យាសាស្ត្រសង្គម និងការអប់រំ ដែលរួមមានទាំង អ្នកស្នេហាមុខវិជ្ជាវិទ្យាសាស្រ្ត អតីតបេក្ខភាពអូឡាំព្យាកម្ពុជា ម្ចាស់មេដាយមាសថ្នាក់ជាតិគណិតវិទ្យា អ្នកវិទ្យាសាស្ត្រ និងអតីតនិស្សិតអាហារូបករណ៍ Fulbright ។

 

ដោយសារគុណភាពនិងការខិតខំច្នៃប្រឌិតរបស់ក្រុមការងារ ទើប Tesdopi ទទួលបានពានរង្វាន់ «នវានុវត្តន៍សង្គមល្អបំផុតប្រចាំឆ្នាំ 2019» ពីក្រសួងប្រៃសណីយ៍ និងទូរគមនាគមន៍កម្ពុជា និងពានរង្វាន់ «Startupper of the Year 2019» ពីក្រុមហ៊ុន Total និង ថ្មីៗនេះយើងបានចំណាត់ថ្នាក់លេខ 1 ក្នុងការប្រកួតប្រជែង «ការច្នៃប្រឌិតបញ្ច្រាស» ពីមជ្ឈមណ្ឌលបណ្តុះធុរកិច្ចថ្មី​ តេជោ។